Padre Casares

A serie de televisión "Padre Casares" volveu ás Instalacións termais de Outariz para a rodaxe do capítulo 78 "Augas termais e exercicios espirituais", emitido na TVG o 01 de marzo de 2010.

Neste episodio, Don Crisanto, o párroco emérito de Louredo, deixará por uns días a vila para gozar dunhas merecidas vacacións en Ourense. Pero o agasallo non será só para o ancián; tamén o padre Casares gozará dun necesario descanso, co seu compañeiro de batallas afastado, por un tempo, dos ataques de Delmiro.

A escusa non pode ser mellor: O doutor prescribiulle a Don Crisanto moito descanso, relaxación e boa alimentación. E onde mellor que en Ourense, capital do turismo termal de Galicia?